Burberry Beauty Experience .. يوم مع مكياج بيربري

مرحبا جميلاتي

 حبيت اتكلم عن اليوم الي قضيته مع بيربري وخبيرة التجميل فاليريا فيريرا ، اهيه خبيرة التجميل الي تهتم بمكياج عارضات ازياء بيربري في اسبوع الموضه في لندن

بكل امانه كانت تجربة غيرت نظرتي لمكياجي وطريقة وضعه

كنت رايحه وانا خايفه لانه غالباً خبراء التجميل الاجانب ما يفهمون بشرتنا ونظرتهم للمكياج جداً مختلفة عن العرب

لكن حبيت شلون تعاملت مع بشرتي بشكل متفهم لطبيعتها والطريقة الي احب احط فيها مكياج، علمتني انه بشرتي ما تحتاج كل هذي التغطية والثقل في الاساس وخلتني بطريقه راح اتكلم عنها باليوتيوب قريباً شلون اغطي كل عيوب ويهي واساوي اللون بأقل كميه ممكنه من كريم الاساس

تكلمنا عن منتجات بيربري وعرفتني على الكولكشن الجديد الي اهوه اقلام الكونتور الكريمية وكريم الاساس الماات (المطفي) وايضا كريم الاضاءة الي قبل كريم الاساس، لمعته خيااااااال حق قبل الفاونديشن، حطوه بالمكان الي تبونه يلمع فقط وراح تعطيكم لمعه خفيفه

راح احط لكم صور من الكولكشن الجديد واذا كنتوا مجربين اي شي كتبولنا بالتعليقات