download.jpg

Hi.

Welcome to my blog. I document my adventures in travel, style, food and of course, fashion. 

My hijab tutorial (pics) طريقة شيلتي بالصور

My hijab tutorial (pics) طريقة شيلتي بالصور

1DSC_2663

 

 في وايد بنات إسألوني عن الطريقه إلي ألبس فيها شيلتي, هذا موضوع خاص حقكم, حاولت كثر ما أقدر أوصل المعلومه بالصور, وراح أحاول أوصلها بالكلام بعد عشان تكون الصوره واضحه لكم. بس حبيت أقول أسفه إني طولت بالموضوع بس دراستي قاعده تاخذ من وقتي وايد, بس تستاهلوون إني أخذ من وقتي لكم ;*

أولاً أحسن خام للشيله الستريج إسمه دبل ستريتج وشيلاتي أغلب الأحيان أشتريهم من جمعية الفيحا الدور الأول, أو من أي مكان أشوف فيه شيلات تعجبني بالخامه والملمس واللون.

مهم وايد لون الشيله يكون يناسب بشرتج ويناسب اللبس الي انتي لابسته, حتى لو كان لون الشيله مو موجود بألوان لبسج. يعني مثلاً أنا وايد أحب اللون البيج بكل درجاته, حتى لو كنت مو لابسه بيج شيلتي تكون بيج لأنه أرقى لون وممكن إنه يمشي على كل شي.

ثاني شي وقبل لا أدخل بالشرح, هذي الطريقه إحتمال كبير ما تمشي على قصة ويهج, إلي ويهها طويل مثلي راح تضبط معاها أكثر.

نبدي الحين بالشرح

1- أستخدم كااب (أمطه) تحت الشيله حتى لو كانت قطن لأني أحب تكون ثابته. لون الكاب مو مهم لأنه الشيله راح تغطيه كلياً.

2- ثاني شي أثبت طرف الشيله القصير بدبوس بهالطريقه الي بالصوره, وأدخل باقي الشيله بالقوله

3- أجفس(أطوي) أطراف الشيله الي فوق

راح يصير شكلها جذي من اليمين واليسار

حاولي تخفين الكاب وانتي تسوين هالحركه, لأنه الغرض من وجوده التثبيت فقط.

4- تلفين باجي الشيله على الراس وبعدين تقطين الطرف على الجتف

وهذا الشكل النهائي

في طريقه ثانيه نادر ما أستخدمها لكن ساعات أتهور وأشتري شيلات وانا مو مجيكه على الخامه, فتطلع مو استرتج فأضطر أستخدم دبابيس حق تثبيتها من الجهه البمين واليسار, هذي صور بسيطه أتمنى توضح العمليه:

1- في خطوه تسبق خطوه بهالطريقه, نثبتها من قوف أول وبعدها نشد الطرف ونثبته في الداخل

2-

وبعدها تثبتين الطرف الثاني بدبوس وتلفين الشيله على الراس و وتقطين الطرف على الجتف نفس الخطوات باللوك الأول

وهذي النتيجه

أتمنى وصلة الطريقه, وأي أسأله أنا حاضره

شكر خاص حق بكيزه الي مشاركتني بموضوع اليوم ..

LeTouch .. الجاكيت الأبيض

LeTouch .. الجاكيت الأبيض

Pose and compose ..

Pose and compose ..