download.jpg

Hi.

Welcome to my blog. I document my adventures in travel, style, food and of course, fashion. 

صالون رولاز: تنظيف البشرة بالأوكسجين

صالون رولاز: تنظيف البشرة بالأوكسجين

4c9b6b38bb2511e2a38422000a1f96a9_7

من فترة وأنا أدور مكان زين أقدر أثق فيه وبالمنتجات الي يستخدمها على البشرة، وبما ان البشرة شي مهم والاهتمام فيها شي حساس ما كنت أسوي تنظيف بشرة الا بالبيت، لكن من بعد البلوق طلعاتي زادت ومكياجي ثقل شوي وصار بشكل يومي، قررت اني أبحث عن مكان زين وبنفس الوقت طبي عشان أدلع بشرتي من فترة ليه فترة وأهتم فيها أكثر.

تذكرت انه صالون رولاز عندهم خبيرة بالبشرة اسمها مارينا، شفتها لما زرت  معرض "بريتي ليتل ثينج" ببيت لوذان ببوث الصالون. بعد ما سولفت معاها ارتحت لها لأنها اشترحتلي طريقة التنظيف والعلاج وبأن كل المنتجات المستخدمة عضوية وطبيعية وخالية من المواد الصناعية. على طول خذيت موعد بعد يومين، والحين أقولكم اذا خذيتوا موعد شنو راح يصير.

الصالون من أول ما تدخلينه راح ينشرح صدرج من الديكور الشرح والورد الابيض الجميل, بعدها تقعد معاج مارينا تاخذ كل المعلومات اللازمة، عمرج، نوع بشرتج، شنو المنتجات الي تستخدمينها، شنو مشاكل بشرتج، شنو حابة تعدلين والأهم هل بشرتج راح تستحمل التنظيف العميق ولا تكتفي بالتنظيف السطحي.

كل بشرة تختلف عن الثانية، وكل بشرة لها نقاط ضعفها واحتياجات ناقصتها، مارينا راح تفحص بشرتج وتكتب بملفج شنو تحتاجين وبأي مرحلة بشرتج عشان تتابعج. واذا كنتي شارية كريمات يديدة ممكن تاخذينهم معاج عشان تشوف اذا يصلحون حق بشرتج تعلمج شلون تستخدمينهم واذا ما يصلحون تنصحج بلي بشرتج تحتاجة

قررت مارينا إني محتاجة التنظيف العميق بالأكسجين

هذي الآله المستخدمة، فيها آلة مخصصة لتجديد خلايا البشرة وتنشيطها، وآله لتجديد الأكسجين بالبشرة ، وآلة مخصصة لحول العين وكمام فيه أكسجين تستنشقينة على ما الماسك ياخذ مفعولة، والأكسجين الي تستنشقينه فيه خصائص الهوا الموجود في الجبال لتنظيف التنفس من التلوث الي بحياتنا اليومية. ماكو شي يعور، كل شي خفيف عالبشرة ومريح جداً.

الكريمات الي تستخدمها كلها مثل ما سبق وقلت عضوية وطبيعية وخالية من المواد الصناعية، اذا عجبكم منتج ممكن انكم تشترونة. والتنظيف يتخلله مساج ويتضمن الوجهه، الرقبة والكتفين.

بعد ما خلصت، النتيجة كانت عجيبة، بشرتي طرية جداً ومرتاحة وفرش. وهذا اليوم ثاني لي وبشرتي اتينن والمكياج عليها وايد نظيف.

 فلوورز ومتابعين دلاليد لهم خصم خاص، بس تتصلون وتاخذون موعد ذكروا انكم من فلوورز دلاليد ومالكم الا طيبة الخاطر يا فلوورزاتي العجيبين.

-لأي استفسار وحجز المواعيد:

صالون رولاز بيوتي لاونج

الرقم : 25770411 \ 25770410

مكانهم : السالمية عالبحر، مجمع سمفوني (تابع لفندق ميسوني)، الدور الثاني.

انستغرام :

@rolasbeautylounge

التنورة السعيدة

التنورة السعيدة

 المكياج البنفسجي والأزرق

المكياج البنفسجي والأزرق