download.jpg

Hi.

Welcome to my blog. I document my adventures in travel, style, food and of course, fashion. 

صالون رولا: العناية بالشعر الجاف

صالون رولا: العناية بالشعر الجاف

  اذا كان شعرج دهني من الجذور، جاف من الأطراف وكيرلي، هذا الموضوع المناسب لج. راح أعرض لكم تجربتي مع عناية الشعر الجاف عند صالون لولاز بيوتي لاونج.

بصراحة تامه، اهتمامي بشعري ضعيف جداً، دايماً اهتم ببشرتي واظافري اكثر لأنهم ظاهرين بشكل يومي والكل يلاحظهم، وكوني متحجبة وموظفة وطالبة وعندي شغل البلوق، هالشي دمر شعري لأنه متغطي طول اليوم وما أحطله حامامات زيت او اهتم فيه.

لكن الجو بصالون رولا يشوووق، المغاسل وعرض مستحضرات الشعر خلوا شعري يبجي، كسر خاطري فقلت راح ادلعه واهتم فيه لأنه يستاهل. كل المستحضرات الي يستخدمونها من ماركة "كريستاس" معروفة بفعاليتها لعلاجات الشعر. والمغاسل تشوووق والكرسي الي فيهم يسويلج مساج واهمه يغسلون شعرج مع مساج الراس المريح وااايد.

  شعري دهني من الجذور وجاف جداً من الاطراف، مصبوغ وتعبان، اختارتلي العلاج المناسب لشعري، طرى شعري وايد بعد العلاج لكن يبيلة استمر عليه وأحطه كل اسبوع مرة لمدة عشان يتحسن عدل مدل.

تقدرين تطلبين مستحضرات انتي تستخدمينها بالبيت اذا مالج خلق تروحين الصالون، او علاج تستخدمينه بالبيت يسرع نتيجة العلاج الي انتي بادية فيه مع خبيرة الشعر بالصالون.  هذول المستحضرات الي استخدمتهم لشعري، تقدرين تلاقينهم عند صالون رولا أو تروحين وتشرحين لها مشاكل شعرج واهيه تعطيج العلاج المناسب.

الشامبو: للجذور الدهنية

Bain clarifiant

  الماسك: يرطب الشعر والاطراف الجافة ويطري الشعر 

Nitri-Thermique

سيرم ما بعد الاستحمام للشعر الكيرلي، يحافظ على الترطيب وتكسيرة الشعر الكيرلي 

Oleo-relax

مع البخار والمساج كانت تجربة ممتعة ومريحة ومفيدة وانشالله استمر عليها وراح استخدم منتجات مختلفه يوفرها الصالون لمشاكل الشعر وانقل لكم تجربتي يا متابعيني العجيبين.DSC_0966

لأي استفسار أو حجز المواعيد

صالون رولاز بيوتي لاونج

الرقم : 25770411 \ 25770410

مكانهم : السالمية عالبحر، مجمع سمفوني (تابع لفندق ميسوني)، الدور الثاني.

انستغرام :

@rolasbeautylounge

هيا بنا نأكل أكل صحي..

هيا بنا نأكل أكل صحي..

 مجموعة رمضانية للمصمم "موتيزيو بيكورارو" برعاية الأسطورة

مجموعة رمضانية للمصمم "موتيزيو بيكورارو" برعاية الأسطورة