download.jpg

Hi.

Welcome to my blog. I document my adventures in travel, style, food and of course, fashion. 

الجمعية الثقافية النسائية

الجمعية الثقافية النسائية

nisa2iya (1)

 

قبل سنة ونص رحت الجمعية الثقافية النسائية ، كنت بمرحلة البحث عن الذات، مادري منو انا وشنو أبي وشنو أحب

رحت وسجلت وصرت عضوة في الجمعية، لاني كنت من غير وظيفه صرت أحضر المحاضرات وأشارك بأي نشاط او معرض ثقافي، وايد استفدت وحبيت الاجواء والناس الي احتكيت فيهم

لكن  بعد سنة ونص بطاله طلع قبولي بأحد الهيئات الحكوميه، وبنفس الوقت طلع قبولي بالجامعه لأني بكمل دراستي، وقبلها بشهر بديت البلوق

من شهر 10 سنة 2012 ليه هذي اللحظه وانا ما ارتحت لحظة وحده مابين الوظيفه والدراسه والبلوق، وااااايد تحلطمت انه الشغل ياني مره وحده ، سنة ونص وانا فاضية وفجأه كل شي يصيرلي مره وحده

بس قبل يومين رحت الجمعية الثقافية عشان أشوف شنو الجمعيات المحتاجه تبرعات وأتبرع بالنسبة الي خذيتها من المشاريع الصغيره، كنت أبي جمعية مختصه للمصابين بمرض السرطان الله يبعدنا ويبعد العزيزين علينا منه، ولقيت صندوق الأمل (تكلمت عن هالجزئية لاني وعدت المشاريع الصغيرة اني أشاركهم وين راحت تبرعاتهم بالضبط)

لما دشيت الجمعية كنت انسانه يديده، كنت الحمدلله ناجحه بشي وايد أحبة، والاهم من كل هذا الناس حابته، كنت داشه وانا أدري منو أنا وشنو أبي وشنو أحب وأدري شنو بمقدوري أقدم وأخدم في غيري

صج انه الضغط كبير كان بالفتره الي طافت بس الحمدلله شخصيتي تغيرت للأحسن، ثقتي بنفسي وايد زادت، وقدرتي على العطاء وااااايد كبيره

واااايد استانست من التغيير، ما أقص عليكم أول شي مر ببالي الفلوورز ملوتي، ما تدرون شكثر أحبكم وشكثر ممتنه لوجودكم بحياتي وانكم جزء لا يتجزأ من هذا النجاح

شكرا حق ندى صديقتي الصدوقه ومصورتي المفضلة وأهم من كل هذا مديرة أعمالي الي رسمتلي خطة ماتخرش الميه ومتابعه كل شغلي وتوجهني بذكاء، ولا انا ويني ووين الخطط والنظرات المستقبليه

وشكرا حق أهلي الي ما قصروا معاي بولا شي ووثقوا فيني وشجعوني

أدري وايد أشكر بس لا يشكر الله من لا يشكر الناس

الحمدلله

أخليكم مع صور زيارتي للجمعية الثقافية النسائية

وشكرا حق د. سهال يوسف الفليج 

اذا حبيتوا تتبرعون أو تتطوعون بأي اعمال ممكن انكم تزورون الجمعية في الخالدية ق 2- شارع سالم بوقماز

Turkey day1.. تركيا

Turkey day1.. تركيا

وأخيرا مصدر مسكرة تيفاني

وأخيرا مصدر مسكرة تيفاني