download.jpg

Hi.

Welcome to my blog. I document my adventures in travel, style, food and of course, fashion. 

Dubai .. رحلة لش دبي

Dubai .. رحلة لش دبي

DubaiTrip3

 

الاسبوع الي طاف سافرنا دبي بدعوه من لش

كانت الدعوه يوم واحد بس قررنا كلنا نمدد

أنا وحمد قلم وبينك جيرل بلوق

وصلنا دبي وحمد حط هالصوره بأكاونته وفجأه كل الناس لسبب ما عبالهم تزوجنا هههههههه

كان الموضوع جدا مضحك، في ناس فكرة الزماله عندهم غريبه أو يديده، أنا وحمد نشتغل بنفس المجال أكييييد بنتصادف بكل مكان وأنا وااايد سعيدة انه تم اختيار حمد لهذه السفره لأنه ماشالله أخلاقه وطريقة تعامله واايد راقيه ومحترمة وبنفس الوقت يونس ويضحك

حتى بنك جيرل كنت اتابعها بالانستغرام واشوفها بكذا ايفينت بس هالسفره خلتنا نعرف بعض أكثر ووااااااااايد حبيتها أكثر من قبل

أمي وأخوي كانوا معاي هالسفره ، طبعا أمي حدها كيفت واستانست على حمد وطيبه

وصلنا الفندق كانت الساعه 1 ونص تقريبا، والايفينت كان الساعه 5 ، يا دوووب حطينا أغراضنا بدلنا تغدينا وبديت أتزهب حق الايفينت الي كان بنفس الفندق الي احنا فيه

وأنا أتزهب حق الايفينت وصلني ايميل من عاليا مديرة دبي موول تدعوني فيه ل ايفينت بلووقرز، يتكلمون فيه  عن عرض الازياء الكبير الي بيصير في دبي مول الشهر الياي، كان الاجتماع في اليوم الي بعد وصولنا لدبي، وافقت اروح لأني أبي أتعرف على بنات الامارات والبلوقز الي هناك

كان ايفينت لش يونس

أول ما دشيت شفت البلوقر الاماراتيه الي أموووووت عليها ناديه

سلمت عليها وقعدنا نسولف، وقالتلي دامج بدبي أبيج تيين معاي ايفينت فالنتينو باجر الصبح

طبعا انا مو مستعده حق ايفينتات وايد ، حتى لبسي يايبه بدله وحده بس حق ايفينت واحد وباجي الاشياء عمليه حق التسوق

ما حبيت اردها وقتلها اوكي باجر الصبح نتلاقى

بعد ما خلصنا الايفينت تسوقنا بدبي موول وبعدها تعشينا ونمنااااااا

قعدت الصبح ورحت حق ناديه لايفينت فالنتينو

الايفيت كان عباره عن ريووق يعرفوون البلوقرز فيه على العطر اليديد الي بينزل خصيصا للخليجيات ، يحتوي على الزعفران والعود، ريحته واااااايد اعجبتني انشالله ينزل قريب

بعد الايفينت رحت امارات موول اتسوق، وبما اني مو يايبه هدوم وايد وبما انه الناس الي بايفينت فالنتينو بشوفهم باجتماع البلوقرز قلت أدش زارا أخذلي جم شغله عالسريع عشان يكون اسمي غيرت هدومي

رديت الفندق بدلت وانطلقت حق اجتماع دبي موول

يا زيييييينهم بنات الامارات، يهبلوووون

رحبوا فيني وصوروا معاي وسولفنا وتبادلنا ارقام وانستغرام بعض لانه اغلبهم بلووقرز واعلاميات ومحررات في مجلات وومصممات

واااايد استمتعت بالتعرف عليكم وانشالله مو أخر مره اشوفكم

ناديه وزينت وعاليا ومريم وايمان اهمه الي معاي بالصور

بعد الايفينت تسوقت بدبي موول

ولا في معرض للمشاريع الكويتيه واغلب الي موجودين متعامله معاهم من قبل مثل هبه بوداهوم وهانجرز بوتيك

دشيت المعرض وتعرفت عالكل وشفت ناس اعرفهم بالانستغرام بس مثل دلال القبندي يا حلووووها هالبنت

وشفت ناس ما أشوفهم بالكويت هناك

كان الوضع جدا يونس، وكلنا مستانسين انه شفنا بعض

تسوقت وخلصنا وردينا البيت ميتين من التعب ونمممممت لانه باجر رحلتنا

وبجذي خلصت وملصت رحلة دبي

استانست وااااااايد بكل لحظه فيها

شفت نجاحي ونجاح كل الكويتيين الي تعاملت معاهم واصل لبره الكويت

يا زين ديرتي ويا زين أهلها، في وحده من البلوقرز قالتلي "شعبكم يدعمون بعض ويستانسون على نجاح بعض عشان جذي نجاحكم حلو "

ما تتخيلون هالجمله شكثرأثرت فيني

صج انه في ناس حاقده وحاسدة وما تتمنى نجاح غيرها لكن هذي الاقليه

الحمدلله الكويتيين قاعدين يتطورون بالفكرويتفتحون ويتقبلون التغييرات الي قاعده تصير بحياتنا بشكل أكبر

شكرا دبي ونشووفج عن قريب ان شاء الله

Video: Top 4 foundations .. أفضل كريمات اساس

Video: Top 4 foundations .. أفضل كريمات اساس

inspiration .. لوك اليوم

inspiration .. لوك اليوم