download.jpg

Hi.

Welcome to my blog. I document my adventures in travel, style, food and of course, fashion. 

Vaseline Dubai Trip .. رحله فازلين الى دبي

Vaseline Dubai Trip .. رحله فازلين الى دبي

DSCF0254

المفروض هذا الموضوع ينزل البلوق الاسبوع الي طاف لكن سفرتي لقطر اخرته

عموما .. مثل ما انتو عارفين، فازلين كانوا داعييني الى دبي لحضور ايفنت "فازلين مع هدى قطان"

الايفنت عباره عن مجموعه  صغيره مختاره من البلوقرز والمهتمين بالمكياج والعنايه بالبشره اختارونه لحضور نفس حفل تعريف عن استخدامات فازلين الجماليه

وشلون نقدر نخلطه مع عناصر ثانيه عشان يكون لنا منتج ممكن انه يفيدنا

هدى قطان اهيه سفيره فازلين، فكانت اهيه الي تمثل فازلين بالحفل واهيه الي علمتنا الطرق الي اهيه تستخدمها بحياتها اليوميه

 

راح اشاركم تفاصيل اليوم كله وشنو الخلطات الي شاركتنا هدى فيهم

عند الباب كانوا حاطين لوحات بمقالات او دعايات بالجرايد والمجلات قديمه ويديده

DSCF0283 DSCF0284

DSCF0285

DSCF0257

 

 

بعدين تيمعنا عشان هدى تخلط جدامنا العناصر

DSCF0246

DSCF0247

DSCF0280

DSCF0239DSCF0279 DSCF0248  DSCF0233 DSCF0236

 

اول شي علمتنا اذا نبي بشره ناعمه، نخلط فازلين مع زيت اللوز ونحطهم قبل لا انام على الاماكن الي نبي انعمها، وننام فيهم والصبح راح تحسين بالنعومه

DSCF0252

ثاني شي حق المناطق الغامقه بالجسم، نخلط الفازلين مع ليمون وانحطه على الاماكن الي نبيها

DSCF0250

ثالث شي عشان ننفخ الشفايف، نخلط فازلين مع زيت النعناع المركز او زيت الدارسين او القرفه، مفعوله على قولتها يتم ساعتين

هذول الزيوت الي استخدمتهم مع الفازلين

DSCF0251 DSCF0262 DSCF0261

 

هذا الي اذكره لول

لكن هذول بعض المعلومات الي اخذتهم من مجله كلام الناس بمقاله هدى متكلمه عن طرق ثانيه:

http://www.kalaman-nas.com/article/15507/خبيرة-التجميل-هدى-قطان-علاجات-سهلة-في-المنزل-باستخدام-مستحضرات-فازلين#.U5BsUr-5DUQ

 

بعد ما خلصنا مررت علينا بعد الخلطات عشان نجربها

وفتحوا المجال لاسئله الحاضرين

من الاسئله الي لفتت نظري اهيه شلون نسنخدم الفازلين لحروق الشمس من التان

انا ما احب التاننينج وكان في دكتوره جلديه ايدتني انه جدا خطر للبشره

لكن اذا سويتي تان لا تستخدمين فازلين حق التان نفسه

بس اذا تعرضتي لحروق بالظهر او الاكتاف خلطي فيتامين اي  مع الفازلين وحطيه على الاماكن المحروقه

وانا اقول استخدمي دوا للحروق وايد اسهل لوول

DSCF0231 DSCF0232

 

بعدها تغدينا بالمطعم الي مستضيف الايفنت

وسولفنا

DSCF0266 DSCF0271 DSCF0269 DSCF0273

 

 

احب دبي واااااااايد

مو عشان التسوق ولا المباني ولا الشراحه

قمت احب دبي لاني اقابل ناس غير، مختلفه من دول مختلفه وقصص مختلفه

مثلا، على الغدا تعرفت على مصريه كانت عايشه باستراليا وكانت بتتزوج اسباني بس كان يبيها تغير دينها وما رضت، بعدها تعرفت على بريطاني بدبي وتزوجوا

والثانيه اردنيه درست طول عمرها ببريطانيا وبعدها يت دبي تشتغل

اشكثر عندهم سوالف ومواقف تونس ومروا على ثقافات مختلفه وشخصيات مختلفه

كان الحديث معاهم مممممتع ومفيد

أحب دبي لاني كل مره اروح لها ارجع مطوره جزء من شخصيتي ومفكره بشي يديد

 

ما اطول عليكم

هذي كانت الرحله

ممتعه ومفيده من كل النواحي

هدى انسانه جميله قلبا وقالبا وتموت من الضحك

DSCF0282

 

 

واحنا طالعين عطونا صندوق فيه فازلين وبلشر مكسر وعلبه

لانها تكلمت عن خلط اي بلشر انكسر عندج مع الفازلين عشان يصير جلوس او بلشر كريمي

DSCF0287

 

 

شكرا فازلين على الرحله الجميله وشكرا هدى قطان على مجهودج وشكرا دبي على احتضان كل هالطاقات الجميله وتطويرها

 

DSCF0290 DSCF0295

 

 

Outfit Details:

Cape: Anotah

Pants: Zara

Necklace: River Island

Shoes: MiuMiu

Bag: Balenciaga

اله تنظيف البشره من سيفورا

اله تنظيف البشره من سيفورا

The Closet Qatar Event .. ايفنت ذا كلوزت قطر

The Closet Qatar Event .. ايفنت ذا كلوزت قطر