download.jpg

Hi.

Welcome to my blog. I document my adventures in travel, style, food and of course, fashion. 

اله تنظيف البشره من سيفورا

اله تنظيف البشره من سيفورا

photo1-38

تكلمت عن هذا المنتج في الانستغرام ، ومع اني ما استخدمته لمره طويله لكن ما قدرت ما اتكلم عن سرعه النتايج الي شفتها لما رحت قطر انصحتني صاحبه محل "ذا كلوزت" فيه

قبلها من سنه تقريبا وانا اشوف هذا المنتج بسيفورا لكن احسه تجاري فكنت ما افكر اشتريه

اشتريته بعد النصيحه والنتايج اعجبتني

حاليا استخدمته لمده اسبوع تقريبا، كنت اعاني من حبوب متفرقه في ويهي وكنت محتاره شلون اخفيهم لانهم خذوا وقت طويل وما راحوا

من رديت من قطر وانا استخدمها، الحبوب خفوا بطريقه واضحه

ما اختفوا ليلحين بس اكيد يبيلهم وقت وانهم خفوا باسبوع هذي بادره زينه

المهم

اهيه أله تهتز وفي فرشه بس مو نفس سيقما تلف، الفرشه ثابيته بس تهتز

تشتغل لمده ٢٠ ثانيه لجهه الوجهه اليسار

٢٠ ثانيه لجهه الوجهه اليمين

١٠ ثواني للجبهه

١٠ ثواني للحنج\ الحنك

انا احاول ادخل منطقه الخشم وحول الفم من بين الثواني

الاله بروحها اتنبهج انه الثواني خلصوا ولازم تنتقلين الى الجزء الي بعده

واذا كنتوا اكثر من شخص بالبيت، ممكن تاخذون اله وحده واكثر من فرشه

ويبيعون معاها غسول للوجه لكن انا استخدم الغسول الي متعوده عليه

وايضا راح يقولولج عن سائل منظف للجهاز نفسه اذا مرت عليه مده

انا ما استخدمها لازاله المكياج، استخدمها بعد ازاله المكياج، اهيه وظيفتها انها تحرك الدوره الدمويه في الوجهه عن طريق الاهتزاز والفرشه تنظف المسام من اي رواسب في البشره

اغلب البنات في الانستغرام انصحوا انه استخدامها مايكون يومي، بعضهم قالوا مره او مرتين او ثلاث مرات في الاسبوع

انا توني اجربها فاستخدمتها مرتين في اليوم بس احتمال اخفف لانه تنظيفها عميق على قوله البنات

 

موجوده بسيفورا الافينيوز في الكويت

وبنات مو كل بشره نفس الثانيه احتمال ما تمشي معاج فلا تقطون اللوم علي اذا ما انفعتكم، اذا بشرتج حساسه او تتبعين علاج ارجووووووج راجعي طبيبج قبل استخدامها لاني انا مو دكتوره حالي من حالج بس الفرق اني استخدم الشي واذا فادني بس اتكلم عنه

وهذا الموضوع مو دعايه ولا راح ارضى اتكلم عن منتج بالمكياج الا لما احطه على ويهي واجربه، ومستحيل اسوق ل شي متعلق بالعنايه بالبشره ممكن انه يضر اي وحده فيكم

شرطي في التعامل مع اي شركه مكياج انه اذا الشي ما عجبني ماراح اسوق له لو يعطوني شنو

لذا اقتضى التوضيح

 

VOTE! تصويت

VOTE! تصويت

Vaseline Dubai Trip .. رحله فازلين الى دبي

Vaseline Dubai Trip .. رحله فازلين الى دبي