download.jpg

Hi.

Welcome to my blog. I document my adventures in travel, style, food and of course, fashion. 

Benefit Push up liner review .. رايي في ايلاينر بينيفت اليديد

Benefit Push up liner review .. رايي في ايلاينر بينيفت اليديد

هذا الفيديو الي صورته وطلع مافيه صوت!

انقهرت والله بس ميخالف

قررت ما اصور واحد ثاني واكتب رايي بالبلوق لانه اذا صورت بياخذ وقت والايلاينر بينزل اول شهر ٧ ان شاء الله

المهم

قبل فتره كان عندي اجتماع مع احد المسؤولين من بينيفينت

الاجتماع اهوه عباره عن اعمال يايه ان شاء الله بيني وبين بينفت وواحد منهم ان شاء الله بيكون برمضان اذا الله كتب

قابل كذا بلوقر بالكويت منهم انا والعجيبه حنان النجاده

هالبنت احبببببببها واحترم شغلها واااايد لانها تتعب على روحها ونفسها حلوه ومع انه احنا تقريبا بنفس المجال لكن عمري ما حسيت منها بغيره ولا تنافس

انسانه واثقه بنفسها وبشغلها وعارفه اهيه شنو

وانا احببببببب البنات الي جذي

المهم انه اسمي انحط معاها بنفس المجموعه شرف كبييير لي

بهذا الاجتماع عطوني مجموعه من منتجاتهم، احد هذي المنتجات اهوه الايلاينر اليديد والمسكرا ومزيل خاص للايلاينر

benefit eyeliver

كلهم نازلين بنفس المجموعه الي اهيه " ذاير ريل" الي بدتها المسكرا

صارلهم ٥ سنوات يشتغلون عليه

benefit 2

اهوه عباره عن جل لاينر بس مصنوع بقالب يشبه القلم وفيه سفنجه من فوق تستخدم كريشه

في بأخر الايلاينر تحت جزء تفروونه عشان الايلاينر يطلع

benefit 3

الحين نيي حق رايي

  • الشكل حلو مريح استخدامه ومسكته جدا مريحه بالايد
  • فكره الفرشه ذكيه لكنها ما تنفع حق مبتدئين لانه انا كانت صعبه علي شوي والايلاينر تكتل وانا احط
  • ينشف بسررررعه ولازم تحطين طبقتين عشان يطلع شكله مقبول
  • صعب علي انا الي متعوده على الايلاينر السائل استخدامه لانه الخط يطلع معرج وجدا كان صعب علي اني اخليه مستقيم فيه، بالصور عدلته بمحمود سعيد
  • عند السحبه اخر شي الي تحب الايلاينر متين راح يضبط معاها اما الي تحب السحبه ضعيفه ودقيقه راح يأذيها شوي
  • يبقى الى مالا نهايه ولا يتحرك وثباته خيالي عشان جذي سووله مزيل مكياج خاص فيه
  •  ينفع حق الي يحبون البحر والتانينج لانه ماراااااح يتحرك
  • سواده حلوو

بينفيت قالولي اقول رايي بكل صراحه بكل منتجاتهم وهذا الشي خلاهم يكبرون بعيني ويدل انهم واثقين بمنتجاتهم

رايي انه يبيله تعديلات، يعني يضعفون الريشه شوي عشان الرسم بدقه يكون اسهل

ويخلونه ما ينشف بسرعه لانه البطيئه بالمكياج او الي تاخذ راحتها راح يتكتل معاها

هذول صوره على عيني

photo2-25 copy photo5-3 copy 2 photo4-8 copy 2 photo6-2 copy 2

راح ينزل مثل ما قتلكم اول شهر ٧ ان شاء الله حصريا بسيفورا لمده شهر

وبعدها راح ينزل بكل السوق

شكرا بينيفيت لاختياري وشكرا لكم متابعيني الجميلين على قرايه الريفيو

Rihanna inspired look .. لوك مستوحى من ريهانا

Le Touch Yellow Jacket ,, الجاكيت الاصفر

Le Touch Yellow Jacket ,, الجاكيت الاصفر