download.jpg

Hi.

Welcome to my blog. I document my adventures in travel, style, food and of course, fashion. 

Online shopping .. التسوق عبر الانترنت

Online shopping .. التسوق عبر الانترنت

IMG_3008

التسوق عبر الانترنت شي جدا ممتع لكن غير مضمون

صعب اختيار درجات المكياج عبر الانترنت ، صعب اختبار الماده وملمسها واذا كانت تناسب بشرتنا ولا لا

وكذلك الملابس، اختيار المقاس المناسب لنا او قصه الموديل تلبق لتركيبه جسمنا او لا

هذا الموضوع عباره عن تجربتي الشخصيه بكيفيه تسوقي عبر الانترنت

احتمال يكون عنكم معلومات انا غافله عنها، مثل ما انتو تقرون الموضوع للاستفاده، اي وحده فيكم عندها اي معلومه ممكن انها تفيدني او تفيد قارءات المدونه تشاركنا فيها في التعليقات

وشكرا لكم مقدما

١- بطاقه البنك

بالنسبه لي استخدم بطاقه مسبقه الدفع، يعني انا احول لها المبلغ الي ابيه

هذا الشي ريحني لاني عارفه كم المبلغ المتوفر بالبطاقه واذا لا سمح الله الموقع كان غير امن، المبلغ الي راح ينفقد محدوود لاني ما اطلب بمبالغ خياليه عبر الانترنت

كل البنوك عندهم هالبطاقه

او ممكن تتعاملين بال بايبال اهوه موقع يعتبر وسيط بينج وبين الويبسايت او الاشخاص الي بتتعاملين معاهم

ماراح يعرفون اي معلومه عن حسابك غير ايميلج الي مسجله فيه بالموقع

https://www.paypal.com/kw/webapps/mpp/home

اقروا عنه اكثر واذا حبيتوا الفكره بس كتبوا بقوقل او يوتيوب

how to use paypal

وراح تطلع لكم الخطوات بالصور

٢-المقاسات والالوان المناسبه

ماكو شي ممكن انه يكون اكييييد في هذي الخطوه

اغلب المواقع يحطون جدول موضح للمقاسات

المقاسات الامريكيه، والبريطانيه وبالانش والسانتي

والاحذيه نفس الشي

انا بالنسبه لي ما اغامر واطلب بنطرونات من الانترنت لاني عريضه من تحت ومو اي بنطرون يعجبني او يطلع حلو علي

دايما اطلب جاكيتات وقمصان وبلايز واحذيه لاني عارفه مقاسي وفاهمه شنو القصات الي تلوق لي

اما بالنسبه للمكياج

اذا كان كريم اساس مستحيل اغامر واطلب كريم اساس جديد للتجربه

اذا بطلب لازم اكون مجربته من قبل وعارفه بالضبط درجتي

ممكن اطلب حمر، رموش، شدوات او بلشرات

بأخر الموضوع راح احط لكم المواقع الي وايد اطلب منها مكياج

٣- التسجيل

اذا صار عندج بطاقه وعرفتي شلون تطلبين الشي الي يناسبج

ما عليج الا انج تسجلين بالموقع وتطلبين

ماراح تحتاجين الا ايميل فعال ومعلوماتج

بنات لا تحطين اسم وهمي لانه ماله داعي

محد راح يدري عن اسمج بالموقع، حطوا اسمائكم وعناوينكم لانه راح يستخدمونهم للتوصيل

٤-الاختيار

بعد ما تسجلين ما عليج الا انج تتسوقين بالموقع، شوفي الموقع من اوله ليه اخره

شوفي القطع الي الفتوا نظرج اكثر من مره، تخيليها عليج وتخيلي شنو ممكن تلبسين عليها

لا تحلى بعينج وتطلبينها واهيه ما تناسبج ، شوفي تلوق على جسمج  ولا لا، تناسب لونج ولا لا

ودايما ديريبالج من المواقع الصينيه

انا ما اطلب منهم ، الكواليتي مو دايما يكون نظيف ولا الخامات تكون حلوه والمقاسات خربوطه

٥- المواقع الي اطلب منها دايما

ملابس واكسسوارات ومكياج وكل شي باسعار مناسبه  جدا
للمكياج والاخص الفرش
للرموش ومستلزماتها
ماركات عالميه راقيه
للمكياج بالاخص مكياج الحواجب
للماركات العالميه الراقيه
اذا عندكم مواقع مضمونه كتبوها تحت
العمليه بسيطه وما تخوف ونتايجها حلوه اذا كان اختيارج مدروس
ان شاء الله تكونون استفدتوا

Bare Minerals foundation .. كل اثنين .. دقيقتين

Golden makeup .. مكياج دهبي