download.jpg

Hi.

Welcome to my blog. I document my adventures in travel, style, food and of course, fashion. 

Mini haul .. مشترياتي الاخيره

Mini haul .. مشترياتي الاخيره

IMG_6716

السلام عليكم وعيدكم مبارك ان شاء الله تكونون استمتعتوا باجازه العيد

اليوم قاعده بالبيت اشتغل على فيديو بينزل باجر ان شاء الله فقلت اسويلكم موضوع عن الاشياء الي شريتهم امس

سألتكم بالانستغرام شنو احسن مرطب للعين لانه ويهي ناشف هاليومين وخصوصا حول العين

انا استخدم  لوريال وواحد ثاني من بودي شوب فيه فيتامينات بس احسهم مالهم تأثير على عيني بتاتا

اغلبكم مدح بوبي براون بس كان مالي خلق زحمه الافينيوز فمارحت

مريت مارينا مول فافافوم لانكم ايضا تكلمتوا عن كريم كلارينس

خذيت هذا الكريم من كلارينس بعد نصيحتكم

IMG_6711

 

Clarins - Extra Firming Eye \ Wrinkle Smoothing Cream

للامانه كنت رايحه اخذ الماسك الي مخصص للعين لكن كان خالص

المهم

من زماااااااااان سمعت عن كريم يملي التجاعيد او الخطين الي يطلعون صوب الشفايف

بعد الروكاتان طلعولي هالخطوط وابتلشت فيهم

سمعت عن هالكريم يملاهم قبل المكياج

IMG_6712

 

Clarins - Instant Smooth\Perfecting Touch

ان شاء الله يضبط لانه مابي ادخل بموضوع الفلر اخااااف

علاقتي بكلارينس قاعده تقوى، ماشالله منتجاتهم حلوه

عندي مجموعه الشدوات اليديده الكريميه الي يقلبون بودر حبيييييتهم ان شاء الله بتكلم عنهم قريب

وعندهم برايمر اينننننن ايضا بتكلم عنه قريب

بس حبيت استخدمهم فتره عشان رايي فيهم يكون واضح

مريت بينيفت باخذ برايمر بورفاشنل

حلو حق الي عندها مساس كبيره يسدهم

IMG_6713

الي تشتغل ببينفت قالتلي عندنا بورده تعطي نتيجه البرايمر بس تكون فوق المكياج

يعني اذا حسيتي بنص الطلعه انه المسام ظهروا تاخذينها وتطبطبين عليهم

ومافيها لون كلش فماراح تبين

IMG_6710

 

ما جربتها ليلحين، وفرشتها تيي معاها نفس ما انتو شايفين

واخر شي خذيته رموش من ميك اب فور ايفير

رقمهم ١٥٦

طبيعييييين وما يبينون حق الاستخدام اليومي

IMG_6714

بس

صراحه هالموضوع سويته لاني ولهانه عليكم وودي اسولف معاكم وتصوير الفيديو ياخذ وقت طوييييييل فقررت اكتبلكم اسرع واريح

اذا مجربين شي مذكور بالموضوع لا تبخلون علينا برايكم سواء كان سلبي او ايجابي

اشوفكم بمواضيع يايه

My brushes\Part 3 .. استخدامي للفرش \ الجزء الثالث\ فرش العين

How i organize my makeup .. كل اثنين .. دقيقتين