download.jpg

Hi.

Welcome to my blog. I document my adventures in travel, style, food and of course, fashion. 

Makeup: Too Faced package .. مجموعة توو فيسد

Makeup: Too Faced package .. مجموعة توو فيسد

مرحبا

مثل ما انتو عارفين شركات وماركات المكياج ترسل لنا مجموعات من مكياجها نجربة واذا عجبنا نتكلم عنه. انا شخصيا كنت اتكلم فقط عن المنتجات الي تعجبني٬ لكن قررت اي مجموعة توصلني اشاركم فيها قبل الاستخدام واذا جربت شي وعجبني او ما عجبني راح تقرون او تشوفون رأيي فيه من خلال البلوق أو اليوتيوب.

هذا الموضوع راح اشاركم فيه المجموعه الي وصلتي من توو فيسد

توفيسد بالنسبة لي ماركة جميلة ومنتجاتها جيدة بس مو معطيتها حقها لأني ما استخدمت وايد منتجات منها. لكن بعد ما استخدمت باليت تشوكليت بار ٢ في فيديو في يوتيوب٬ راسلوني توو فيسد دبي ٬ اشكروني على الفيديو وارسلولي هذي المجموعة.

راح اعطيكم نبذة تعريفية عن المجموعة ٬ ما جربت كل المنتجات٬ المنتج الي جربتة وعندي رأيي فيه راح أكتب تحته رأيي.

أول شي نبدأ بباليت الشدو الي جربتة

اسمه

The Chocolate Bar 2

هذا الباليت الثاني من التشوكوليت بار٬ الأول الشدوات الي فيه فيهم لمعة أكثر من الشدوات المات. وبالنسبه لي الأول أحسة شتوي أكثر.

أما الثاني فألوانه مايله للبرتقالي والبني٬ أغلب الشدوات مات من غير لمعة٬ الثاني صيفي أكثر لأنه ألوانه برتقالية وتنفع مع التان٬ حتى اللون الازرق الي موجود جميل وهادي.

الثنتين ريحتهم كاكاو. والي نضاف للباليت الثانية وحبيته هو اسماء للشدوات. وايد أسهل لي للشرح اذا سويت فيديو باليوتيوب.

راح أحط لكم الفيديو الي استخدمت فيه الباليت تشوكليت بار ٢

هذي الباليت ما استخدمتها بتاتا. لكن شكل الوانها روعة.

.الباليت حق البنات الي يحبون الألوان الترابية والبنية المات. كلش ما فيهم لمعة. وفيها هايليتر لتحت العين وكونتور خفيف

هذا باليت مخصصة للوجهه. فيها ٣ ألوان كل واحد له نتيجة مختلفة.

شفت هدى قطان استخدمتة بواحد من صورها بانستغرام وعجبني٬ بس ما اتوقع انه نزل بالاسواق٬ لأنه بسيفورا الكويت ودبي مو موجود ولا حتى بسيفورا أمريكا لقيتة.

راح استخدمه واسألهم عن موعد تواجده بالأسواق وأكيد اشاركم بالمعلومات.

هذا باليت فيه اغلب البرونزارز الموجودين في توو فيسد. طول عمري بخاطري اجرب البرونزرز الي عندهم بس كل مرة احتار اي واحد اختار واقرر اني ما اخذ شي.

الحمدلله كلهم وصلولي والحين اقدر اجربهم كلهم.

الحين وصلنا لآخر جزء من المجموعة الي هو الحمر

هذي المجموعة خيالية يا بنات. انا احب الفنش المات للحمره٬ لكن حيل حبيت هذا النوع لأنه ما ينشف الشفايف ويعطيهم لمعة جدا خفيفة ودسمين جدا.

عندهم ألوان آكثر لكن هذول الالوان الي ارسلوها لي ٬ عندي بعد لونين شريتهم طبيعيين اكثر ٬ ان شاء الله تشوفونهم علي قريباً

وبس جذي خلص موضوع اليوم

ان شاء الله يكون خفيف ومفيد

اذا عندكم أي افكار كتبولي اياها بالكومنتس٬ لأني باخذ أفكاركم من تعليقات البلوق واطبقها لمتابعات البلوق. تستاهلوون

Liked & Disliked .. حبيت وما حبيت

Fashion: Art Day .. اليوم الفني

Fashion: Art Day .. اليوم الفني